Aksidenti në Thumanë, çka mbetur nga mjetet pas përplasjes ku humbi jetën një person dhe u plagosën disa të tjerë (VIDEO)

Një aksident i rëndë ka ndodhur orët e para të mëngjesit të sotëm në Fushë Krujë. Si shkak i përplasjes së dy mjeteve në Thumanë një person ka humbur jetën, ndërsa disa të tjerë janë plagosur.

Paraprakisht mësohet se ka humbur jetën shtetasi me inicialet Z.T që drejtonte një mjet furgon, ndërsa kanë mbetur të plagosur edhe personat që ishin duke udhëtuar me ”BMË” si dhe pasagjeri në furgonin e mallrave. 

Ndërkohë që në videon e publikuar nga ‘’JOQ” shihen dhe pamjet e dy mjeteve të aksidentuara rëndë. Nga furgoni i transportit të mallrave janë rrëzuar në rrugë të gjitha frutat dhe perimet, ccka tregon se mjeti ka pësuar demtime të shumta.

DETAJET:

Në aksident janë përfshirë një mjet furgon mallrash, me drejtues Z. T, 38 vjeç dhe automjeti tip BMË me drejtues V.M. 41 vjeç, banues në Maqedoni.

Për pasojë ka humbur jetën rrugës për në spitalin e Traumës, drejtuesi i furgonit, Z.T.  

Të plagosur nga ky aksident kanë mbetur dhe E.D. 34 vjeç, banues në Kukës, pasagjer në mjetin tip furgon, V. M. 12 vjeç, B. M. 9 vjeç (fëmijët e drejtuesit të mjetit tip BMË) dhe F. M. 63 vjeçe, (e ëma e drejtuesit të mjetit tip BMË) banues në Maqedoni, pasagjerë në mjetin tip BMË të cilët ndodhen në Spitalin Ushtarak Tiranë jashtë rrezikut për jetën.

Grupi hetimor po punon për zbardhjen e shkaqeve të aksidentit.

(E.K/SHUPLAKA)