Kalimtarja e cila ndërroi jetë në aksidentin që ndodhi mbrëmjen e sotme në kryeqytet, quhet Gjystina Shpami me origjinë nga Mati.
Fillimisht u tha se ishtë 28-vjeçare, por në fakt Shpami ishte 48-vjeç.Ky ishte vetëm një lapsus nga policia, e cila e sqaroi përmes një njoftimi të dytë.
Aksidenti ka ndodhur pak orë më parë në rrugën “Mihail Grameno”, pranë Tregut Elektrik. Një person i paidentifikuar, i cili udhëtonte me një automjet tip “Audi A4” e ka përplasur gruan teksa ajo po kalonte rrugën. Pas aksidentit, ai është larguar menjëherë nga skena.
Ndërkohë janë publikuar edhe fot dhe video nga vendngjarja. Sipas dëshmitarëve, ambulanca ka mbërritur plot 30 minuta me vonesë.
Informacioni paraprak nga Policia:
Më datë 22.04.2017, në rrugën “Mihal Grameno”, tek tregu elektrik, një mjet tip “Audi A 4”, ka përplasur shtetasen Gjystina Shpani (Picaku), 48 vjeçe ,e cila si pasojë e përplasjes ka ndërruar jetë.
Automjeti është larguar nga vëndi i ngjarjes. Policia Rrugore, Shqiponjat dhe Patrullat e Përgjithshme po kontrollojnë për gjetjen e automjetit si dhe kapjen e arrestimin e drejtuesit të automjetit që shkaktoi aksidentin me pasojë vdekjen e shtetases.
Grupi hetimor po punon për sqarimin e rrethanave të ngjarjes.
[ngg_images source=”galleries” container_ids=”1651″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
