Aksidenti tragjik në Gjermani, dalin detaje të reja nga vdekja e 22-vjeçarit

Një tragjedi ka ndodhur, në Gjermani, ku në një aksident automobilistik ka humbur jetën futbollisti shqiptar, Amir Ademi.

Sipas mediave gjermane, 22-vjeçari u aksidentua në rrugën midis qyteteve Abensberg dhe Arnhofen, duke u kthyer pas stërvitjes.

Po sipas mediave 22-vjeçari shqiptar u shkrumbua brenda makinës së tij, pasi pas aksidentit makina e tij u u përfshi nga flakët.

Automjeti i tij, i markës Peugeot është përplasur me një Pasat, ku shoferi i kësaj veture është lënduar dhe është dërguar në spital, ndërsa vetura e futbollistit shqiptar ishte kapluar nga zjarri, si pasojë futbollisti nuk mundi të shpëtojë.

Lajmin për ndarjen nga jeta të 22-vjeçarit e bëri të ditur vetë ekipi

“Të dashur vëllezer edhe motra e miq të nderuar. Me hidhërim edhe dhimbje te thellë ju lajmerojm se vëllau miku edhe i dashuri jonë, Amir Ademi ka ndërruar jetë pas një aksidenti tragjik që ka ndodhur mbrëmjen e djeshme… Ngushëllime familjes edhe të gjithë miqëve edhe shokëve për këtë humbje të madhe. Amiri do të jetë gjithmonë në zemrat tona,”- shkruhet ndër të tjera krah fotos së futbollistit të ndjerë.