Prokuroria e Venecias ka hapur një hetim në lidhje me aksidentin tragjik të ndodhur në provincën e Mestres mbrëmjen e shkuar. Si pasojë mbetën të vdekur 21 persona dhe 15 të tjerë u lënduan.
Por një pjesë e viktimave është ende e paidentifikuar dhe për këtë arsye do të përdoret testi i ADN-së.
Në autobus gjendeshin një grup turistësh ukrainas, francezë, kroatë dhe gjermanë, të cilët po ktheheshin në Marghera pasi kishin qenë në Venecia. Mes tyre ishte dhe një foshnje e porsalindur dhe një vajzë 12 vjeçe.
Rënia e autobusit tek shinat e trenit ka qenë prej rreth 15 metrash lartësi. Një prej hipotezave është që shoferi i autobusit është shpërqëndruar gjatë drejtimit të mjetit. Gjithashtu flitet se ai mund të ketë pasur probleme shëndetësore prej së cilës ndodhi aksidenti fatal.
