Një aksident i rëndë është shënuar mbrëmjen e kaluar rreth orës 23 e 25 minuta të mbrëmjes së të mërkurës tek “kthesa e Arbanës”. në aksin rrugor Vaqarr-Ndroq .
Në aksidentin tragjik kanë mbetur të vdekur 2 persona dhe dy të tjerë janë plagosur, pas përplasjes së dy mjeteve tip “Toyota” dhe “Benz”.
Njëri prej tyre është Athanas Xhavara nga Gjirokastra, 45 vjeç, i cili ka në pronësi 3 kompani. Bizneset e Xhavarës janë të përqëndruara në fushën e sigurimit të objekteve publike dhe private; riciklim; eksport-import dhe tregtimin me shumicë e pakicë të mallrave të ndryshëm. Sipas policisë në momentin kur ndodhi aksidenti, Xhavara po kthehej nga Pezë-Helmesi, ku ndodhet biznesi i tij i riciklimit.
Po ashtu blut bëjnë të ditur se 45-vjeçari Xhavara drejtonte makinën tip “Toyota” me targa AA 757 DZ, ndërsa 22-vjeçari nga Tirana ishte drejtuesi i mjetit tip “Benz” me targa Tr 1432 U.
Ndërkohë mësohet se shkak i aksidentit është bërë lagështira në rrugë dhe shpejtësia tej normave të lejuara.
(S.SH/Faxweb)
