Aksidentohen me motor një çift holandez që kishin ardhur për turizëm malor në Shqipëri

Një aksident ka ndodhur pasditen e sotme në aksin rrugor Borsh-Kuç pranë vendit të quajtur “Qafa e Dërrasës” në Vlorë.

Nga  aksidenti janë plagosur çifti holandez me inicialet E.Z, 66 vjeç dhe L.C, 65 vjeçe, të cilët ishin duke udhëtuar me një motor, ndërsa si pasojë e humbjes së kontrollit ndaj mjetit ata kanë dalë nga rruga.

65-vjeçarja L.C, e cila ishte pasagjere në motor mësohet se ka marrë dëmtime në këmbë dhe ndodhet jashtë rrezikut për jetën.

Pas ndihmës së parë mjekësore në qendrën shëndetësore të fshatit Kuç, e plagosura bëhet me dije se është transportuar drejt Spitalit Rajonal Vlorë për mjekim më të specializuar.

Dy shtetasit hollandezë  kishin dalë për turizëm malor në zonat përreth fshatit Kuç. (M.D/Shuplaka)