Një furgon që i përket institucionit të burgut, është aksidentuar në Tepelenë, duke lënë të plagosur një polic.
Ngjarja dyshohet se ka ndodhur në afërsi të fshatit Qesarat, ndërkohë që është mësuar dhe identiteti i policit që ka mbetur i plagosur, i cili është Julian Verbosha.
Burime bëjnë me dije se polici është shoqëruar për në spitalin e Gjirokastrës, jashtë rrezikut për jetën.
Brenda në furgon kanë qenë dhe tre të burgosur, që sipas burimeve nuk kanë marrë lëndime serioze.
Nuk dihet ende as identiteti i të burgosurve që ishin brenda në furgonin e drejtorisë së burgjeve, ndërkohë që grupi hetimor ndodhet në vendngjarje dhe po punon për zbardhjen e rrethanave të plota të aksidentit.
(E.K/Faxweb.al)
