Një aksident i rëndë ka ndodhur pasditen e djeshme në aksin rrugor Maminas-Gjiri i Lalëzit në zonën e nohur si “Akullorja”, ku një automjet i drejtuar nga një 48-vjeçar me iniciale A.L., ka aksidentuar 23-vjeçarin me iniciale M.LL (lexo këtu).
23-vjeçari është transportuar në në gjendje të rëndë në Spitalin e Traumës në Tiranë ku fatkeqësisht edhe ka ndërruar jetë.
Mësohet se drejtuesi i mjetit që ka shkaktuar aksidentin e rëndë është Artan Lushaj, 48-vjeç, biznesmen i njohur, pronar i disa bizneseve import eksporti, si dhe pronar i Universitetit privat “ILLYRIA” në Durrës. Biznesmeni, i cili flitet se është edhe mik i familjes Berisha, është shoqëruar në polici për veprime të mëtejshme ndërsa mbetet për t’u parë nëse ai do konsiderohet apo jo fajtor për këtë aksident, shkruan newsbomb.al.
Ndërkohë lidhur me ngjarjen ka reaguar edhe policia e cila në një njoftim zyrtarë ka deklaruar se 48-vjeçari, banues në Tiranë i cili aksidentoi për vdekje këmbësori 23 vjeçar, është arrestuar në flagrancë.
Ai akuzohet për veprën penale “Shkelje e rregullave të qarkullimit rrugor”.
Njoftimi i Policisë:
Në lidhje me aksidentin e ndodhur ditën e djeshme në aksin rrugor Maminas -Gjiri i Lalëzit, ku shtetasi A.L., 48 vjeç, banues në Tiranë, aksidentoi për vdekje shtetasin këmbësor M.Ll, 23 vjeç, ju informojme se:
Në përfundim të veprimeve të para hetimore, Policia arrestoi në flagrancë shtetasin A.L., për veprën penale “Shkelje e rregullave të qarkullimit rrugor”.
Materialet hetimore u referuan në Prokurori për veprime të mëtejshme.
(F.GJ/FAXWEB.AL)
Discussion about this post