Është vënë në prangat e policisë shoferi që një ditë më parë në aksin Korçë-Bilisht përplasi me makinën e tij një 14-vjeçare. Kjo e fundit sapo kishte zbritur nga një furgon dhe po kalonte rrugën kur u përplas për vdekje nga 21-vjeçari I.H, që drejtonte mjetin tip “Opel”. E reja si pasojë e plagëve, ndërroi jetë jetë në vendngjarje.
Njoftimi i policise:
Në vijim të informacionit paraprak të dhënë ditën e djeshme, për një aksident rrugor, ju informojmë se specialistët e Trafikut Urban dhe Interurban të DVP Korçë arrestuan në flagrancë shtetasin I. H., 21 vjeç, banues në fshatin Leshnicë, Pogradec, pasi në aksin rrugor “Korçë-Bilisht”, pranë fshatit Zëmblak, Maliq, duke drejtuar automjetin tip “Opel”, ka aksidentuar me pasojë vdekjen një shtetase 14 vjeçe, banuese në fshatin Zëmblak, Maliq, këmbësore.
