Andrea Manellari, autori i aksidentit tragjik ku mbeti e vdekur ish-sportistja Dhurata Prifti, nënë e dy fëmijëve, ka dalë në gjyq. Mësohet se 20-vjeçari ka pranuar krimin, ndërkohë që procesi gjyqësor ndaj tij po zhvillohet me gjykim të shkurtuar. “Shqiptarja.com” shkruan se në përfundim masa e dënimit ndaj tij do të ulet me 1/3.
Deri më tani, ndaj Manellarit janë zhvilluar tre seanca, ndërsa më 17 janar, Prokuroria e Tiranës do të paraqesë konkluzionet ku do të kërkojë dënimin për veprat penale të shkeljes së rregullave të qarkullimit rrugor dhe largimit nga vendngjarja.
Andrea Manellari aksidentoi për vdekje më 13 korrik viktimën Dhurata Prifti, e cila ishte duke kaluar rrugën me dy djemtë e saj. Ngjarja ndodhi në aksin e Unazës, pranë Arkivit të Shtetit. (XH.A/SHUPLAKA)
Discussion about this post