Aksidentoi për vdekje këmbësorin ende të paidentifikuar, arrestohet 25-vjeçari në Korçë

Një 25-vjeçari i identifikuar si Reans Muçollari , banues në Korçë, është vënë në prangat e policisë pasi aksidentoi për vdekje pak ditë më parë një këmbësor.

Ngjarja ndodhi në aksin rrugor Korçë-Pogradec, në afërsi të fshatit Bulgarec, ku një këmbësor, ende i paidentifikuar, u aksidentua për vdekje.

Detaje të Policisë së Korçës:

Në vijim të informacionit paraprak datë 27.06.2017, ju bëjmë me dije se specialistët e Sektorit për Policinë Rrugore në Drejtorinë Vendore të Policisë Korçë, bënë kapjen dhe arrestimin në flagrancë të shtetasit:

Reans Muçollari, 25 vjeç, banues në Korçë.

Arrestimi i tij u bë pasi, më datë 27.06.2017, në aksin rrugor Korçë-Pogradec, në afërsi të fshatit Bulgarec, ky shtetas duke drejtuar mjetin tip “Nissan”, me targa AA 716 EF, ka aksidentuar me pasojë vdekjen e menjëhershme, një shtetas ende të paidentifikuar, i cili ka qenë këmbësor në rrugë.

Materialet i kaluan Prokurorisë të Rrethit Gjyqësor Korçë për veprën penale : “Shkelja e rregullave të qarkullimit rrugor” parashikuar nga neni 290 i Kodit Penal.

(XH.A/SHUPLAKA)