Policia e Durrësit ka arrestuar një të ri 22 vjeçar pasi ditën e djeshme aksidentoi për vdekje një të moshuar. Aksidenti ndodhi te ‘’mbikalimi i Trenit’’ në segmentin Shkozet-Plepa. Identiteti i të riut është Izmir Halili, ndërsa viktima 72-vjeçare Z.M gjeti vdekjen në Spitalin e Durrësit.
Detajet e policisë:
Specialistët e Sektorit të Policisë Rrugore në Drejtorinë Vendore të Policisë Durrës arrestuan në flagrancë shtetasin:
- Izmir Halili 22 vjeç, banues në Durrës.
Më datë 22.01.2017, në segmentin rrugor Shkozet-Plepa, në vendin e quajtur”Mbikalimi I Trenit”, duke drejtuar mjetin tip Benz DR 1655 E, ka aksidentuar shtetasen këmbësore Z.M. 72 vjeçe, banuese në Plazh, e cila ka qenë duke kapërcyer karroxhaden nga një krah në krahun tjetër.
Për pasojë shtetësia e mësipërme ka ndërruar jetë në Spitalin Rajonal të Durrësit.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale”Shkelja e rregullave të qarkullimit rrugor”parashikuar në nenin 290/3 të Kodit Penal. (E.K/SHUPLAKA)
