Një shtetas i identifikuar si Shpëtim Sulo 63 vjeç, është vënë në prangat e Policisë së Durrësit pasi aksidentoi këmbësorin 89-vjeçar.
Aksidenti ndodhi teksa ai drejtonte automjetin tip “Furgon” me targa DR8540E.
I plagosuri me iniciale A. A. është transportuar në Spitalin e Durrësit ku ndodhet jashtë rrezikut për jetën.
Detaje nga Policia e Durrësit:
Specialistët e Sektorit të Policisë Rrugore në Drejtorinë Vendore të Policisë Durrës arrestuan në flagrancë shtetasin:
- Shpëtim Sulo 63 vjeç, banues në Durrës.
Më datë 27.01.2017, në lagjen Nr. 17/1, Durrës,duke drejtuar mjetin tip Ford furgon me targa DR 8540 E ka aksidentuar shtetasin këmbësorë A. A. 89 vjeç, banues në Durrës.
I dëmtuari ndodhet në Spitalin Rajonal Durrës nën kujdesin e mjekëve.
Materialet I kaluan Prokurorisë së Rrethit Gjyqësor Durrës për veprime të mëtejshme për veprën penale” Shkelja e rregullave të qarkullimit rrugor” parashikuar në nenin 290/2 të Kodit Penal.
(XH.A/SHUPLAKA)
