Policia e Vlorës ka vënë në pranga Ines Hajrullah 25 vjeç nën akuzën e “armëmbajtjes pa leje”. Ai është arrestuar në flagrancë në kuadër të kontrolleve që policia po kryen me qëllim parandalimin e ngjarjeve të mundshme kriminale gjatë festave të fundvitit.
Gjatë kontrollit të në një rrugicë pranë Shkollës Industriale në qytet, u gjet dhe sekuestrua një armë zjarri “Pistoletë Çeke” që dyshohet se e posedonte 25-vjeçari.
Njoftimi i Policisë së Vlorës
Policia ka arrestuar në flagrancë një person për “Armëmbajtje pa leje”. Arrestohet shtetasi: Ines Hajrullah, 25 vjeç, banues në Vlorë.
Në kuadër të shtimit të masave për festat e fundvitit, Policia e Vlorës ka ushtruar kontrolle në rrugët e qytetit dhe në ambiente të ndryshme ku dyshohet se mund te gjenerojnë ngjarje kriminale, me qëllim parandalimin e tyre.
Gjatë kontrolleve të ushtruara, ditën e djeshme Policia ka sekuestruar një armë zjarri “Pistoletë-Çeke”, e hedhur në tokë në një rrugicë pranë shkollës Industriale, të cilën dyshohet se e posedonte shtetasi i arrestuar më lart. Policia ka sekuestruar në cilësinë e provës materiale:
– armën e zjarrit Pistoletë-Çeke me mbishkrimin “CZ 75 B”, me një krëhër dhe fishekë të kalibrit 9 mm. Policia do të vijojë kontrolle të tjera me qëllim ruajtjen e rendit dhe të sigurisë së qytetarëve.
(XH.A/SHUPLAKA)
[ngg_images source=”galleries” container_ids=”233″ exclusions=”158,159,160,163,164,165,166,331,333,335″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
