Një aksion ka nisur orët e para të mëngjesit të sotëm tek tregu pranë spitalit nr. 5, që është ndjekur nga përplasje mes tregtarëve dhe Policisë Bashkiake.
Përfaqësuuesi i tregtarëve romë, Arben Basri, shprehet se Policia Bashkiake është duke shembur ambientin pa asnjë lloj dokumenti dhe pa njoftuar paraprakisht.
“Policia Bashkiake po shemb ambientin. Policët pa asnjë dokument na thanë “Ikni ku të doni”. Ne nuk na kanë lajmëruar njeri më parë për aksionin.”, mësohet të ketë thënë ai ndërkohë që tregtarët nuk pranojnë të largohen duke kundërshtuar policinë.
Fadromat kanë nisur të shembin tregun e rrobave të përdorura pavarësisht kundërshtimit të tregtarëve që punojnë prej vitesh aty. Mësohet se njërës prej tyre, një tregtare rreth të 50-ave i ka rënë të fikët, referuar burimeve për një televizon.
“Jemi njoftuar 3-4 ditë më parë, po ku mjafton. Paguanim 5 mijë lekë në ditë qira. Policia erdhi të prishë tregun në katër të mëngjesit. Si do jetojmë?”, janë shprehur ndër të tjera ata.
(XH.A/SHUPLAKA)
Discussion about this post