Aksioni blic në Elbasan, 4 prej të arrestuarve pjesë e atentatit ndaj Lulzim Kullës në Shkodër

Gjatë një aksioni të zhvilluar në orët e vona të mbrëmjes së djeshme në Elbasan mësohet se janë arrestuar 8 persona.

4 prej të cilëve sipas burimeve të ‘’Fax NeWs” kanë lidhje me atentatin me tritol që ndodhi pak javë më parë në Shkodër.

Në atentatin në lagjen rus në Shkodër, ku objektiv ishte Lulzim Kulla mbetën të plagosur 8 persona.

Në Elbasan është gjetur dhe makina që çoi 900 gramë tritol në qytetin verilindor. Mësohet se personat e arrestuar janë banorë të Elbasanit.

Dje në Elbasan gjatë aksionit blic, janë sekuestruar po ashtu lëndë eksplozive, armë zjarri dhe municione.

Policia ende nuk ka dalë në një deklaratë zyrtare në lidhje me operacionin, dhe po ashtu nuk bëhen të ditur emrat e personave që kanë rënë në pranga.

(E.K/FAXWEB)