Ministri i Brendshëm Dritan Demiraj ka reaguar në lidhje me aksionin e Policisë së Shtetit kundër kanabisit në vend. Prej mesnate Policia e Shtetit, kryesuar nga Haki Çako ka asgjesuar në total një sasi prej 15.7 ton kanabis, në Jug të vendit dhe Kavajë.
Ministri Demiraj shpreh përgëzimet në lidhje me punën e bërë dhe siguron të gjithë efektivët se do të kenë gjithë mbështetjen e tij në këtë aksion.
Reagimi i Demirajt:
Përgëzoj Policinë e Shtetit për vazhdimësinë e Operacioneve në mbarë vendin, për luftën pa kompromis kundër kultivimit dhe trafikimit të Kanabisit.
Kapja dhe asgjësimi i sasive të grumbulluara nga viti kaluar eshte prioritet mbi prioritetet. Suksesi i sotem i sekuestrimit te shume tonelatave kanabis në Vlorë dhe mbarë Shqipërinë do të jetë modeli i punës tonë deri në pastrimin e plotë dhe kontrollin e territorit.
Siguroj të gjithë efektivet e përkushtuar të Policisë së Shtetit se do të kenë mbështetjen e plotë të Ministrit të Punëve të Brendshme për arritjen e objektivave strategjike për heqjen e Shqipërise nga harta e trafikut ndërkombëtar të drogave.
(E.K/SHUPLAKA)
