Policia e Kosovës me anë të një njoftimi ka bërë të ditur se gjatë një aktiviteti të përbashkët të njësive policore dhe KFOR-it, në Leposaviç, janë ndaluar gjashtë makina transportues të mallrave dhe një veturë me targa të Serbisë, të ngarkuara me mallra të ndryshme.
Mes tyre u arrestuan gjashtë shtetas të Serbisë dhe një shtetas i Kosovës.
Automjetet dhe mallrat e ngarkuara me produkte ushqimore, mjete teknike të punës, mobile etj, me vlerë të përgjithshme mbi njëzet e gjashtë mijë euro, janë trajtuar nga njësitë kompetente kufitare të Drejtorisë Rajonale Kufitare-Veri, nën dyshimin për kontrabandë.
