Akt heroik i dy kosovarëve në Austri, hyjnë mes flakëve për të shpëtuar të moshuarin

Dy kosovarë nuk kanë pritur deri sa të shuheshin flakët, por kanë hyrë mes tyre për të shpëtuar një të moshuar 69-vjeçar që ishte bllokuar aty.

I dëmtuari është transportuar në një klinikë speciale në Hanover me lëndime të rënda.

Ngjarja ndodhi në Eichfeld të Austrisë, gjatë mbrëmjes së djeshme, ku një person mori lëndime të rënda si pasojë e djegies dhe gazit helmues. Zjarri u përhap edhe në banesat përreth.

Shpërthimi i zjarrit ka ndodhur rreth orës 19.30. Falë ndërhyrjes në kohë të dy kosovarëve, 69-vjeçari mundi të shpëtojë. Mësohet se dy kosovarët, njëri 41 vjeç dhe tjetri 44 vjeç, kanë marrë lëndime të lehta si pasojë e gazit helmues. (XH.A/SHUPLAKA)