“Akt vandal dhe i shëmtuar”, banori i Kaçinarit distancohet nga djegia e makinerive të firmës në Mirditë

Mbrëmjen e kaluar janë djegur mjetet e firmës që po punon për ndërtimin e HEC-eve në Kaçinar të Mirditës ku autorët kanë dhunuar edhe dy persona të cilët shërbenin si roje të makinerive.

Ndërkohë që ky akt është dënuar nga një banor i zonës së Kaçinarit, i cili shprehet se banorët e Kaçinarit duhet të distancohen nga këto sulme të dhunshme dhe vandale.

Gjon Ndoji shprehet se akti duhet dënuar dhe personat që e kanë kryer janë përgjegjës për veprimin e kryer. Banori shprehet se ato do të ndjekin rrugën ligjore dhe se nuk do të lejojnë kompanitë të punojnë në zonë pasi është e paligjshme.

“Thirrje banorëve të Kaçinarit, mësova nëpërmjet mediave, veprimin mandal. Akti i djegies është i papranueshëm dhe i pafalshëm. Kushdo që ka kryer këtë akt të shëmtuar është përgjegjës dhe duhet të dijë mirë se ajo nuk është zgjidhje e çështjes  për të cilën kemi kohë që protetsojmë brenda kornizave që na jep ligji. Ajo që ka ndodhur në Kaçinar duhet të dënuar me forcë. Kushdo qoftë ai gangster i kompanisë Shpërdhaza për të krijuar incident me qëllim që të na përplasë me shtetin si njerëz negative, apo ndonjë i irrituar nuk është zgjidhja. Janë akte të pakuptimta dhe intolerante. Ne do të ndjekim rrugën ligjore. Dhe nuk kemi arsye të kryejmë vepra kriminale. Banorët e Kaçinarit do të mblidhen për të dënuar këtë akt të shëmtuar. Kompania është e paligjshme. Ne jemi të vendosur që nuk do të lejojmë të ndërtojnë kompani të tilla në Kaçinar.”- shprehet ai.

Burime për Faxweb bëjnë me dije se dy të rinjtë e dëmtuar janë Fatmir Gjoka dhe Nikolin Ndoci, të cilët janë dhunuar me sende të forta.

Në një intervistë për mediat mjeku roje i urgjencës në Spitalin e Rrëshenit, Preng Simoni ka treguar detaje për ngjarjen dhe momentin kur morën njoftimin për gjendjen e të dëmtuarve.

Ai thotë se të plagosurit kanë mbërritur pas orës 4 të mesantës për shkak të largësisë.

“Dy të plagosurit kanë marrë dëmtime në fytyrë dhe dëmtime të indeve të buta. Fatmir Gjoka ndodhet në repartin e kirurgjisë, ndërsa Nikolin Ndoci ka marrë mjekime dhe është larguar. Policia ka qenë prezentë kur kanë ardhur këtu. Janë jashtë rrezikut për jetën. Janë goditur me mjete të forta.”– u shpreh mjeku.(Lexo këtu)

(M.Q/Faxweb.al)