Ekspertja e dhunës në familje në Ministrinë e Brendshme, Silvana Alimadhi, ka thënë në Opinion, se akt-ekspertiza e vrasjes së dy të miturve dhe babait të tyre nuk ka dalë ende.
“Referuar të afërmëve, bashkëshorti ankohej, se ajo vinte dhe ikte shumë shpesh nga shtëpia edhe pse kishte dy fëmijë të mitur. Ky bashkëshort, nuk kishte bërë asnjëherë asnjë denoncim për braktisjen e dy fëmijëve të mitur nga bashkëshortja”.
Lidhur me ngjarjen në fjalë, ajo ka shtuar se, nuk kishte raste dhune nga bashkëshorti ndaj gruas.
“Fqinjët kanë deklaruar më pas se kemi dëgjuar zënka ndërmjet çiftit, këto të dhëna vinë, gjithmonë pas ndodhjes së ngjarjes. Por problemi është se pas asaj që ndodhi, të gjithë shprehen se kanë dëgjuar zënka, por më parë nuk kishte asnjë të dhënë të dënoncuar mbi marrëdhënien e tyre në çift”.
