Aktivistët e qendrës së Lëvizjes Vetëvendosje në Shqipëri organizuan një manifestim për gruan, duke e quajtur Muajin Mars muajin e grave. Në formë sensibilizimi por dhe revolte për dhunën ndaj grave, aktivistët vendosën një mbishkrim te drejtoria e policisë.
Aktivistët u përballën me punonjësit e policisë, të cilët kërkuan shoqërimin e disa prej aktivistëve, por që në sajë të pranisë së mediave, në fund nuk i shoqëruan.
“Është pronë e shqiptarëve, ne vijmë këru kundër burrave dhunues dhe ju ushtroni dhunë ndaj nesh”, ishte një nga thirrjet e aktivisteve.
“Gruaja denoncon, policia injoron“, ishte mbishkrimi që vendosën të rinjtë në drejtorinë e përgjithshme të policisë së shtetit.
Vetëm në këtë fillimvit kanë ndodhur disa krime të rënda në familje, të cilat kanë pasur si subjekt gratë, që edhe më parë kishin denoncuar dhunën e ushtruar ndaj tyre, por kishin hasur në injorimin nga ana e policisë.
Discussion about this post