Aktivistja kërkon informacion nga Bashkia seTiranës, lidhur me administrimin e hapësirave të përbashkëta në pallatet në Tiranë, por merr atë që e cilëson përgjigje zhgënjyese.
Rezarta Caushaj ka marrë letrën që Bashkia premtoi do i shkonte çdo qytetari me shpjegime mbi ligjin dhe mënyrën e zgjedhjes së administratorëve dhe edhe pse Veliaj i ka shkruar një letër personale me firmë, sërish Caushaj mendon se është thyer ligji për informimin.
Siç shihet në letër bëhet një promovim i asaj që Veliaj e quan nisma e tij, por aktivistja nuk informohet me saktësi se si do të bëhet administrimi, duke lënë të vagullt detajet që si rregull çdo bashki duhet t’i bëjë transparente për publikun. (V.G/SHUPLAKA)
ARSYETIMI I REZARTA CAUSHAJT:
Erdhi letra e Kryetarit!!
Megjithëse Bashkia ka treguar se nuk i pëlqen të zbatojë ligjin për informimin e publikut, po prisja gjithsesi që ajo letra e dërguar nga Z. Veliaj në çdo banesë për zgjedhjen e administratorëve të pallateve të ofronte një minimum shpjegimesh. Shikojeni vetë.
Problemet janë disa:
- Ky nuk është projekt i Bashkisë, por zbatimi i ligjit të vitit 2009 mbi “Administrimin e bashkëpronësisë”. Ky dallim është i rëndësishëm sepse një projekt e vendos Bashkia si t’a zbatoj, ndërsa ligji e ka të specifikuar mënyrën e zbatimit, por edhe të drejtat që ka qytetari.
- Letra, përkundër sa u premtua, nuk është aspak informuese mbi mënyrën se si ligji do të zbatohet. Më e rëndësishme akoma, nuk të informon mbi ligjin, pra, nuk të informon mbi të drejtat e tua.
- Z. Veliaj thotë thjeshtë që adminisyratorët do zgjidhen nga ne, por asnjë paragraf shpjegues nuk e shoqëron këtë pohim.
- Mënyra e informimit të personalizuar, nëpërmjet letrave të dërguara direkt nga Kryetari i Bashkisë apo nëpërmjet personave të dërguar nga kjo e fundit, është në kundërshtim me Ligjin për Informimin. Çdo lloj informacioni duhet të jetë i hapur, i depersonalizuar e uniform për të gjithë qytetarët.
- Duke mos informuar qytetarët, Bashkia përfiton të zgjedh AJO administratorët duke përfituar nga një klauzol e ligjit në fjalë, POR këtë nuk t’a thotë TY.
[ngg_images source=”galleries” container_ids=”418″ exclusions=”2066″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post