Pas refuzimit nga policia për zhvillimin e protestës ditën e enjte me datë 7 maj në Sheshin Skënderbej, Aleanca për Mbrojtjen e Teatrit ka njoftuar se protesta do të zhvillohet me datën 9 Maj.
Gjatë një komunikimi për mediat, përfaësues të Aleancës për Teatrin, njoftuan se në datën 9 maj do të zhvillohet një përkujtimore dhe të kujtojnë ditën kundër diktaturës fashiste.
Avokati Altin Goxhaj u shpreh se refuzimi i tyre nuk ka arsye, ndërkohë që shtoi se policia ka shantazhuar dhe ka bërë kërcënime për të mos e bërë këtë protestë.
Aktivisti Adni Tepelena tha se ato kërkojnë rikthimin në normalitet të jetës sociale, poltike dhe ekonomike në vend.
“U bëjmë ftesë qyetarëve të vijnë në datën 9, të vijnë këtu të bëjmë një përkujtimore dhe të kujtojmë ditën kundër diktaturës fashiste. Ky është një apel për të gjithë shoqerinë shqiptare që mos të dekurajohen.
Ne nuk jemi të përgjegjshëm e kemi marrë seriozisht COVID-19, por mendojmë se është koha për kthimin në normalitet. Rastet e reja janë shumë të pakta, por duke respektuar distanicimin social. Duam rikthim të normalitetit, politik, social dhe ekonomik dhe të vijojë aty ku e lamë.”- tha Tepelena.
