Në aktivitetin e një dite më parë në Jalë, ku u zhvillua Festivali Botëror i të Rinjve të Internacionales Socialiste, morën pjesë rreth 400 të rinj nga e gjithë bota si edhe çifti presidencial Monika Kryemadhi dhe Ilir Meta.
Në një intervistë, presidenti i YES (Young European Socialist) Joao Duarte Albuquerque, është shprehur se tek të rinjtë e LRI-së ka parë një energji të jashtëzakonshme.
“Pata mundësinë të isha pjesë e Konventës që zhvilloi LSI vitin e kaluar. Ishte një eksperiencë e jashtëzakonshme, kishte energji të jashtëzakonshme. Asnjëherë nuk kam parë një Konventë të tillë, përsa i përket energjisë pozitive të numrit të madh të pjesëmarrësve në këtë Konventë. Ne gjithashtu dimë që z.Meta dhe znj.Kryemadhi janë shumë të angazhuar në mbështetjen e të rinjve. Por gjithashtu dimë që mbështetja në politikë meritohet, dhe nuk dhurohet, dhe të rinjtë e LRI-së e kanë merituar këtë.
Hapësirat dhe mundësitë që u janë krijuar të rinjve nga LSI për të qenë pjesë e Parlamentit dhe Këshillave Bashkiak ka ardhur për shkak të punës dhe angazhimit të LRI-së gjatë gjithë kësaj kohe, për të qenë zëri i ndryshimit në Shqipëri, për të promovuar politikat rinore dhe për të qenë modeli që të rinjtë presin nga partitë politike.”, është shprehur Albuquerque.
Kujtojmë se këtë vit, aktiviteti i Festivalit të Përvitshëm të Internacionales Socialiste është zhvilluar nga Lëvizja Rinore për Integrim (LRI). (D.D/Shuplaka)
Discussion about this post