Aktorët “ultimatum” Metës e Ruçit: Do zaptojmë godinën e Teatrit nëse kërkesat tona s’pranohen. Keni kohë deri…

Aktorët e Teatrit Kombëtar po zhvillojnë një seancë dëgjimore në Komisionin e Medias dhe Edukimit.

Të pranishëm në dëgjesë janë deputetët e opozitës, ndërsa ministrja Mirela Kumbaro ka munguar për të disatën herë.

Aktorët me anë të një letre drejtuar kryetarit të Kuvendit, Gramoz Rucci, Presidentit Ilir Meta, por edhe kryetarëve të grupeve parlamentare, kanë paralajmëruar se nëse kërkesat e tyre nuk pranohen atëherë ata do të uzurpojnë godinën e Teatrit Kombëtar.

Alert Çeloaliaj, njëri nga aktorët e pranishëm në Komision, ka lexuar letrën ku ndër të tjera tha:

“Paralajmërojmë se nëse deri të premten s’do të ketë reagim mbi kërkesat tona, aktorët dhe qytetarët do uzurpojmë godinën e TK si të vetmen formë që të mund të na dëgjojnë. Ministria e Kulturës të nisin punën për gjetjen e një zgjedhje të qëndrueshme me të gjitha grupet e interesit”.

(F.G/Faxweb.al)