Pas kritikave ndaj deklaratës së tenorit të famshëm, ku tha në një intervistë televizive se “do t’i duhen 200 mijë shfaqje që të rikuperojë dëmin e një gome të djegur në Tiranë”,ka reaguar edhe aktori I njohur Neritan Liçaj.
“Keq më vjen, por ky perceptim i mediave të huaja të sinkronizuara sikur në Shqipëri është Mesjetë. U bënë 20 vjet që e teprojnë. Është përgjegjësi e politikës shqiptare. Dhe flas të të gjitha krahëve politike që keto gjëra të mos përsëriten. Sepse imazhi që i bëhet Shqipërisë është shumë, shumë i rëndë. Dhe do më duhen 200 mijë shfaqje mua që të rikuperoj një gomë të djegur që ndodhte në Lushnje para 10 viteve dhe ndodh sot në Tiranë”, u shpreh tenori, të cilit i është përgjigjur aktori Neritan Liçaj, përmes një mesazhi në rrjetet sociale.
Liçaj shkruan se pPirgu nuk duhet të merakoset për imazhin e Shqipërisë së gomës së djegur. Sipas tij, Shqipërinë e katandisën në gomë të djegur.
“Këtë po ta thotë një artist që nuk ka famën tënde (krenar që ti e ke, vërtet), por një artist që pavarësisht se nuk e ka atë cka ti ke, lufton për atë cka ti nuk ke kurajo ta shohësh..realitetin..prandaj të pyes..kush ka më rëndësi…realiteti apo dukja?! E vërteta,apo imazh?!”- shkruan Liçaj në rrjetet sociale.
Reagi i plotë i Neritan Liçajt:
“Saimir Pirgu! Mos u merakos per imazhin e Shqipërisë se gomes se djegur! Shqiperinë e katandisen ne gome te djegur…
Kete po ta thotë nje artist qe nuk ka famen tende (krenar qe ti e ke,vertet), por nje artist qe pavarësisht se nuk e ka ate cka ti ke, lufton per ate cka ti nuk ke kurajo ta shohesh..realitetin..prandaj te pyes..kush ka me rendesi…realiteti apo dukja?!E verteta,apo imazh?!
Ka dy lloj artistesh ne këndvështrimin tim modest,artist!
Te paret ata qe e shohin artin si nevoje te brendshme, te sinqerte, te vertet per te shprehur ndjesitë, emocionet,mendimet etj,dhe te dytet qe e shohin si pasqyre ku duhet te shohin refleksin e tyre”te pacenueshem’ne art! E thene thjesht narcizet.
Mos u bej i dyte. Respekt”, shkruan aktori.
Ndërsa kujtojmë se më herët, Saimir Pirgu, ndërsa i përgjigjet statusit të një qytetari në rrjetet sociale, u përcjell një mesazh edhe gjithë atyre që e kritikuan për qëndrimin e tij mbi protestat.
Ai ka ripërsëritur sërish duke theksuar se aktet e dhunshme nuk janë reagimi i duhur, për një vend në mes të Evropës.
Reagimi i tenorit në rrjetet sociale:
Ky reagimi jot o Lirim K Nezha eshte njelloj si ajo goma e djegur qe nuk te bie ne sy as ty as ketyre zoterinjeve qe na qenkan prekur nga fjalet e mia . Por po te pergjigjem ty sa per te gjithe ketyre ketu ketu posht qe i ka zene meraku per leket apo sa pellas une. Veç per kujtes :1 Kam reaguar atehere kur gomat digjeshin ne Lushnje nga PS dhe PD ishte ne pushtet . Si atehere the tani e quaj te gabuar reagimin e disave me dhune mu ne mes te europes ( ndose juve nuk ju mbushet mendja prap europa na ka per pjese e pjes e saj jemi ) 2 Kam reaguar atehere kur Kjo qeveri ekzistuse na donte te hapte ne Shqiperi nje central nuklear kur ne vetem nje Gerdec nuk kontrolluam dote e akoma viktimave nuk ju ka dal shpirti . 3 Kam regaur kur u shenjterua Nene Teresa e ne Shqiperi apo Kosove nuk u be asnje aktivitet se mjaftonte ai jasht mureve te Vaticanit ne Rome . 4 kam reaguar per femijet me Sindrome kur shoqeria jone i mbate mbyllur neper dhoma si te semure psiqik. E ketu nuk po vazhdoj me se lista eshte e gjate . Pra kam qe me Berishen me Nanon e me Ramen se fundemi te 3 e te tjere si keta me kan ftuar e dekoruar. Si thua mos e kan ber vall se kam bordero me ta apo me kan dhen ndonje cek sic mund ti vej mendja ndonje mendjeshkurteri ketu posht? Mu pergjigj po mundet jo me sharje . Per fat te mir koha tregon se kush eshte gjithesecili , e beni mir te terhiqeni nga sharjet e ofendimet se un nuk jam virtut i politikave shqiptare por vetem i punes time . Saimir
(F.GJ/FAXWEB.AL)
Discussion about this post