Kryeministri Rama ashtu siç kishte paralajmëruar më parë, edhe sot në prezantimin e projektit për teatrin e ri ua bëri të qartë artistëve se godina e teatrit do të shembet dhe do të ndërtohet një godinë e re e cila sipas Ramës do të jetë e standarteve europiane, ndërsda aktorët e pranishëm aty dëgjonin kryeministrin që u tregonte se si hapësira me godinën e re do të trefishohej.
Në lidhje me këtë ka reaguar aktori Julian Deda përmes një komenti në rrjetet sociale ku ka ironizuar qëndrimin e mbajtur nga aktorët dhe artistët pas prezantimit të projektit të Teatrit të ri Kombëtar nga Kryeministri Edi Rama. Deda shkruan se asnjë nuk pipëtiu kur Rama tha se teatri do të shembet.
“Ai ia tha ne sy “teatri do shembet” dhe asnjeri nuk pipetiu. Nuk folen as keta, qe udhehoqen kauzen qe nga dita e pare, madje as keta qe jane kandidate per drejtor. Heshtje, ai eshte i gjate dhe na fut friken. Ndoshta nuk eshte frike, por dorezim nga pamundesia, ose ndoshta ishte loje qe ne fillim. E ne keto kushte, une them qe ai po ja ben mire. Hallall Edo, shembe, nderto kulla rreth e rrotull tij. Bravo Edo, ne te meritojme ty”, shkruan Julian Deda .
(B.H/Faxweb)
Discussion about this post