Rezart Veleshnja është një nga aktorët që ka intepretuar që nga politikanët deri tek personazhe të ndryshëm të showbizz-it.
Një ndër imitimet e tij, ka qenë fakti se Veleshnja ka imituar personazhe të njohur të televizionit Klan, si Ardit Gjebrea, Arian Çani, Rudina Magjistari, Eni Shehu etj.
Pse kjo zgjedhje? I ftuar në “Jo vetëm modë” aktori është përgjigjur se personazhet kanë emër tjetër.
“Jo këto thua ti që janë se unë kam emra të tjerë, ai e ka emrin Vani, ti thua që i ngjan Çanit, mbase i ngjan, nuk e di… Personazhi im është Vani, është personazh më vete, nuk ka lidhje fare”, u shpreh aktori.
E sigurisht që jo të gjithë personazhet që ai imiton janë të kënaqur me mënyrën se si aktori i sjell ata. “Drejtpërdrejt unë nuk kam pasur komente, por ka pasur mospëlqime. Çdo njeri kërkon perfekten tek vetja pavarësisht se imitimi e ekzagjeron. Një pjesë tjetër është akoma më rëndë se e marrin personale. Sigurisht që ne nuk jemi këtu për të denigruar personazhet apo jetën e tyre private, ne merremi me atë ç’ka ata bëjnë në televizion, kaq”, tha Veleshnja.
(M.Q/Faxweb)
