Aktori i njohur Gent Bejko, i njohur në Shqipëri si aktor edhe pse i diplomuar për regjisor prej më shumë se një viti ka emigruar së bashku me familjen në Kanadanë e largët.
Largimi i tij duket se ka qenë i sukseshëm për të pasi ai ka luajtur mes emrash të njohur të kinematografisë botërore si Jennifer Lawrence e Javier Barde, në filmin “Mother”.
Filmi që momentalisht po jepet në ambjentet e kinemasë në Shqipëri ka bërë që Gent Bejko të krijoj një opinion nga i cili edhe vetë është habitur për aktoren e njohur Lawrence.
Në një intervistë për “Pasdite në Top Channel” Genti ka rrëfyer për këtë ekperiencë dhe çfarë mendon për të: “Jennifer për aq kontakt sa pata ishte një vajzë shumë e thjeshtë në sheshin e xhirimit, e dedikuar e përkushtuar. Nuk të shkon kurrë në mendje që është ajo që është në ekran.
Ajo që më bëri përshtypje është se kur e shikon “live” është një njeri shumë normal dhe kur e shikon në kamera është tjetër gjë. Është shumë fotozhenike, e do shumë kameran”- është shprehur aktori. (B.N/Shuplaka)
