Rudina Dembacaj ka qenë dikur 89 kilogramë.Duket e pabesueshme, por aktorja e njohur e humorit nuk ka qenë gjithmonë kaq elegante sa ç’e shikojmë tani. Në dhjetor, ajo solli në jetë Viktorian, fëmija i parë për të. Por edhe pasi u bë nënë, Dembacaj është përsëri në formë
Sot e ftuar në “Pasdite në Top Channel”, Rudina tregoi historinë e saj të veçantë të dobësimit, me një vullnet të hekurt. Ajo tregoi se nuk shkoi në ndonjë dietolog; zgjodhi të bëhej vetë “doktor i vetes” dhe të merrte të gjitha informacionet e duhura për kaloritë dhe vlerat ushqimore që përmbajnë ushqimet, për t’i konsumuar në sasitë e duhura.
Rënia në peshë qe shumë graduale. Rudina Dembacaj tregoi se ka humbur 35 kilogramë për 3 vjet, duke u shndërruar ngadalë në sytë e të gjithëve që e njihnin, ata që më parë i thonin shpesh se duhej të binte në peshë patjetër.
Aktorja e njohur e spektakleve të humorit më parë jetonte në Shkodër, ku siç tregoi, kishte një traditë bashkë me xhaxhain, që pinin bashkë raki. Alkooli siç dihet është një ndër shkaktarët e mbipeshës, ndaj Rudina vendosi ta eliminonte.
Ajo gjithashtu tregoi se mban një regjim të rregullt, dhe se është ushtruar në palestër për të ardhur në peshën ideale.
Discussion about this post