Aktorja Cameron Diaz ka hequr dorë nga aktrimi. Kështu ka pohuar mikja dhe kolegia e saj, Selma Blair.
Diaz është vetëm 45-vjeç, mirëpo duket sa ka vendosur të tërhiqet nga industria filmike, duke kaluar më shumë kohë me familjen e saj.
Blair bashkaktore e Diaz në filmin “The Sweetest Thing” ka treguar se mikja e saj i ka thënë gjatë një dreke se nuk planifikon të xhirojë më filma dhe se në vend të kësaj, preferon ta kalojë kohën me burrin e saj, muzikantin Benji Madden, shkruan ”Daily Mail”.
“Ditë më parë, dola për drekë me Cameron. Po e rikujtonim kohën kur e xhiruam filmin (‘The Sëeetest Thing’, në vitin 2002)”.
“Mua do të më pëlqente ta bënim edhe një vazhdim, por Cameron është pensionuar nga aktrimi. Ajo më tha: ‘I kam dhënë fund’”.
“Ajo nuk ka nevojë të bëjë filma të tjerë. Ka një jetë të mrekullueshme, nuk e di se çfarë do ta kthente sërish (në realizimin e filmave). Ajo është e lumtur”, janë fjalët e Blair.
