Në emisionin “Njerëz në Fokus”, aktorja e mirënjohur Roza Anagnosti foli për nismën që pritet të dorëzohet në Parlament mbi disa filma të kohës së komunizmit, të cilët do t’i presë një tjetër fat, rregullim, me anë të një shpjegimi, por jo ndalim siç thotë nismëtari Agron Tufa.
Sipas aktores, kush ka marrë përsipër këtë nismë nuk e njeh artin e filmit.
“Pse duhet ta kufizosh publikun? A jemi në demokraci? Pse kapen me filmin? Unë jam munduar të jem e vërtetë, kemi punuar me përkushtim, është dashur një punë e madhe paraprake, dhe vijnë tani këta…”,- thotë aktorja.
Sipas saj, vlerësimi për filmat e kohës së komunizmit duhet bërë me mirëkuptim dhe jo me urrejtje. “Duhet parë me gjakftohtësi, me mirëkuptim, jo me urrejtje, me agresivitet. Arti është art, është emocion, letërsi, muzikë”,- thotë aktorja.
Tufa, sqaroi më tej se nuk bëhet fjalë për ndalimin e këtyre filmave, por për rregullimin e tyre. “Filmat e periudhës së diktaturës komuniste, një pjesë e tyre e vogël paraqesin propagandë fyese, lënduese, shkojnë kundër lirive të garantuara me Kushtetutë.
“Filmat e periudhës së diktaturës komuniste paraqesin një pjesë e tyre e vogël paraqesin propagandë fyese lënduese shkojnë kundër lirive të garantuara me Kushtetutë. Nuk kemi thënë që duhen ndaluar por shpjeguar, nga shkalla e propagandës duhet t’i paraprihet me një bisedë shpjeguese, që të shpjegojnë një kontekstin për brezin e ri”, tha ai.
Ditët e fundit në opinion publik është hapur debati për shfaqjen ose jo të filmave të realizuara gjatë sistemit komunist. Iniciator i kësaj ideje ishte shkrimtari Agron Tufa. Sipas tij këta tipe filmash ishin të dëmshme për shëndetin moral të shoqërisë. Ky debat ka arritur deri në mediat britanike.
BBC World Service gjatë një emisioni radiofonik ka ndalur për të folur rreth ndalimit të filmave të realizuara gjatë sistemit komunist.
(M.D/ Shuplaka)
Discussion about this post