Aktorja shqiptare ”lë nam”, nuk gjen dot Kosovën në hartë

Prej kohësh aktorja dhe ballerina Ana Lika është vendosur në qendër të vëmendjes së mediave, ndërsa ka qenë e ftuar në disa programe televizive.

Ajo njihet si një personazh pa komplekse dhe që shpesh bën batuta të cilat shkaktojnë shumë të qeshura.

Dhe nuk ka munguar një e tillë as mbrëmjen e djeshme. E ftuar në emisionin “Shiko Kush Luan”, ajo kaloi një situatë të sikletshme por që e kaloi me shumë sportivitet.  

Në një nga rubrikat e emisionit ku të ftuarit duhet të gjejnë se kujt krahine i përket vallja të cilën do të shohin, Ana, si një balerinë e gjeti se vallja i përkiste krahinës së Kosovës, por ajo që shkaktoi të qeshura ishte momenti kur ajo duhet të gjente vendodhjen në hartë.

Teksa e ngatërroi, Ana për t’u “shfajësuar” dha përgjigjen epike “Epo shkollën e baletit kemi mbaruar”. Askush më mirë se ajo nuk mund të bënte një reagim të tillë.

(E.K/FAXWEB)