Aktorja Anila Bisha ka denoncuar live drejtorin e Teatrit Kombëtar, Hervin Çulin, se nuk e lejon të jetë aktore në teatër, vetëm pse ka shprehur mendimin e saj.
E ftuar në emisionin “Zonë e Lirë”, bashkë me aktorët është shprehur e revoltuar për faktin se ka shprehur mendimin e saj në media për mënyrën si funksionon Teatri Kombëtar, dhe se për këtë arsye i kanë ndërprerë aktivitetin.
“Jemi të terrorizuara. Dhe më ka thënë direkt në sy: ‘Sa të jem unë ti nuk do të punosh në Teatrin Kombëtar. Kështu më tha drejtori Hervin Çuli. E gjitha kjo ishte vetëm sepse unë kisha shprehur mendimin tim si funksionon teatri në publik. Nuk thonë kotë, që neve na trajtojnë si skllevër”
(M.Q/Faxweb)
