Aktualiteti politik në vend/ Ben Andoni: Tashmë situata është shumë larg normalitetit

I ftuar në intervistën e Fax News, analisti Ben Andoni foli rreth aktualitetit politik në vend.

Rreth aludimeve se ekziston një bashkëpunim i mundshëm mes Edi Ramës dhe Sali Berishës, Andoni tha se e gjitha është pasoja e asaj marrëveshje mes pozitës dhe opozitës në vitin 2008. Ai u shpreh se Rama dhe Berisha arritën që vendin ta kthejnë defacto në një shtet “kryeministror”.

Pavarësisht ngjarjeve të fundit politike, Andoni tha se askujt nuk i intreson fati i Berishës, Ramës apo Metës, sepse publiku është i frikësuar nga pasojat që ka sjellë korrupsioni.

“SPAK duhet të shkojë shumë më tepër. Ky është viti i GjKKO-së. GjKKO duhet të rikthejë besimin te publiku”, shtoi Andoni.

Rreth pranimit për ngritjen e dy Komisioneve, konkretisht atë të Shëndetësisë dhe sistemit “TIMS”, Andoni tha se këto dy komisione nuk ofrojnë ndonjë peshë të madhe, pasi vendi ka problematika më të mëdha.

I pyetur nga Albi Rakip se cilat janë parashikimet për vitin 2025, duke parë se mazhoranca dhe opozita po bëjnë anëtarësime të reja, Andoni u përgjigj:

“Do kemi zhvillime të reja. Fuqia shumë e madhe e Ramës nuk shfaqet më, për shkak se nuk mbahen premtimet. Në qershor priten rezultatet e censusit. Anëtarësimet duhen, sepse shqiptarët po largohen. Partia Socialiste duhet të merrej më shumë me premtimet, por tashmë situata është shumë larg normalitetit”.

-Albi Rakip: A do të sjellë Basha diçka të re, përpos humbjeve të vazhdueshme?

-Ben Andoni: Basha duhet të ruajë atë pjesë të pakët që i ka mbetur.