Autoriteti Kombëtar i Ushqimit në një aksion ka sekuestruar dhjetëra kuintalë ushqime dhe pije të skaduara në qytetin e Korçës të cilat më pas janë çuar për asgjësim në landfilldin e këtij qyteti.
Sipas njoftimit të AKU-së janë bllokuar 11 ton erëza te ndryshme, 8 ton mish dhe 1700 pije energjike jashtë datës së skandecës.
Autoriteti Kombëtar i ushqimit prej ditësh është duke kontrolluar tregjet në të gjithë vendin pas skandaleve të njëpasnjëshme të bëra publike në media mbi perimet e rritura me omgj apo falsifikimin e datës së skandecave në artikuj që gjejnë përdorim masiv në tregun shqiptar.
Nga raportimet e derimëtanishme nga ky autoritet janë sekuestruar dhe asgjesuar dhjetëra ton mallra të cilat nuk plotësojnë kushtet e sigurisë për tregtim, çka dëshmon se tregu shqiptar është pothuajse jashtë kontrollit të sigurisë ushqimore.
