Autoriteti Kombëtar i Ushqimit ka bllokuar në Kapshticë 5636 kg produkte ushqimore të ndryshme që vinin nga Turqia nga subjekti FAEK JABER, me qëllim futjen dhe tregtimin në Shqipëri të produkteve të ndryshme ushqimore.
Sipas njoftimit të AKU pjesë e produketeve që janë bllokuar ishin: Ullinj të shtypur, vaj susami, allvasi, lëng shege, gjethe bimore çaji, vaj ulliri, thjerrëza, kamomil, trumzë jeshile, çaj dhe përzierje bimësh, rrënjë kambal, piper i zi, tuberet karafil, kimnone e coptuar, ginger pluhur, majdanoz i thatë, qiqra, kripë kineze, limon i thatë, thjerëza, çaj etj.
Nga kontrolli i dokumentacionit përkatës u konstatua se subjekti nuk dispononte raport-analizën e produkteve, dhe në këto kushte, AKU vendosi të ndalojë hyrjen e mallrave ushqimore në Shqipëri dhe i dha subjektit 7 ditë kohë të plotësojë mangësitë në dokumentacionin shoqërues të mallit.
“Me kalimin e këtij afati kohor dhe në kushtet kur subjekti nuk plotësoi mangësitë në dokumentacionin shoqërues të mallit, AKU vendosi kthimin në vendin e origjinës për ngarkesën e produkteve prej 5636 kg”, shkruhet në njoftim.
Njoftimi i plotë:
AKU BLLOKON DHE KTHEN NË VENDIN E ORIGJINËS 5.6 TON PRODUKTE NGA TURQIA, ISHIN TË PASIGURTA PËR KONSUM
Autoriteti Kombëtar i Ushqimit vijon kontrollet rigoroze në Pikat e Inspektimit Kufitar me qëllim parandalimin e futjes në Shqipëri të produkteve ushqimore që nuk përmbushin kërkesat ligjore të sigurisë ushqimore dhe janë të pasigurta për konsum.
Nga kontrollet e ushtruara në PIK Kapshticë, u konstatua ngarkesa me një sasi prej 5636 kg e ardhur nga Turqia nga subjekti FAEK JABER, me qëllim futjen dhe tregtimin në Shqipëri të produkteve të ndryshme ushqimore (ullinj të shtypur, vaj susami, allvasi, lëng shege, gjethe bimore çaji, vaj ulliri, thjerrëza, kamomil, trumzë jeshile, çaj dhe përzierje bimësh, rrënjë kambal, piper i zi, tuberet karafil, kimnone e coptuar, ginger pluhur, majdanoz i thatë, qiqra, kripë kineze, limon i thatë, thjerëza, çaj etj).
Nga kontrolli i dokumentacionit përkatës u konstatua se subjekti nuk dispononte raport-analizën e produkteve, çka përbën mospërmbushje të kërkesave ligjore të sigurisë ushqimore (Ligji i Ushqimit, neni 18 dhe Urdhëri i Ministrit nr. 374 të dt. 31.08.2017).
Në këto kushte, Autoriteti Kombëtar i Ushqimit vendosi të ndalojë hyrjen e mallrave ushqimore në Shqipëri dhe i dha subjektit 7 ditë kohë të plotësojë mangësitë në dokumentacionin shoqërues të mallit. Me kalimin e këtij afati kohor dhe në kushtet kur subjekti nuk plotësoi mangësitë në dokumentacionin shoqërues të mallit, AKU vendosi kthimin në vendin e origjinës për ngarkesën e produkteve prej 5636 kg.
AKU konfirmon edhe njëherë përkushtimin për zbatimin rigoroz të legjislacionit të sigurisë ushqimore dhe forcimin e masave parandaluese për mbrojtjen e shëndetit dhe interesave të konsumatorit.
Siguria Ushqimore është sfida jonë e përbashkët!
(F.GJ/FAXWEB.AL)
