Autoriteti Kombëtar i Ushqimit (AKU), në kuadër të transparencës dhe mbrojtjes së shëndetit të konsumatorëve, informon publikun se ka përfunduar pjesërisht analizat laboratorike të disa kampionëve ushqimorë, të marrë në kopshtin Nr. 1 në qytetin e Gramshit dhe në subjektin furnizues në Tiranë.
Mostrat janë marrë nga DRAKU Elbasan dhe DRAKU Tiranë, dhe janë dërguar për analizim në Laboratorin e Referencës pranë ISUV, për identifikimin e mundshëm të pranishmërisë së bakterit Salmonella spp.
Rezultatet e deritanishme janë si më poshtë:
- Të pastra nga Salmonella spp kanë rezultuar kampionët e mëposhtëm:
- Qumësht dhe kofshë pule të kampionuara nga DRAKU Elbasan
- Qumësht, kofshë pule dhe vezë të kampionuara nga DRAKU Tiranë
- Në proces analizimi janë:
- Vezët kampionuar nga DRAKU Elbasan
- Kofshët e pulës kampionuar nga DRAKU Tiranë
AKU garanton se, sapo të përfundojnë analizat për mostrat e mbetura, do të vijojë menjëherë me informimin e mëtejshëm të publikut, në respekt të standardeve të transparencës dhe sigurisë ushqimore.
