Kreu i grupit parlamentar të PS-së Taulant Balla ka nxjerrë në Kuvend fotot, që sipas tij vërtetojnë lidhjen e Lulzim Bashës me miliona eurot që erdhën me Tojotat në Durrës.
Sipas Ballës fotoja që ai nxorri ishte bërë në zyrën e Bashës, dhe ishte me vëllain e një prej personave të shpallur në kërkim nga ana e qeverisë.
‘’Ja ku e ke foton Lulëzim, me vëllain e një prej dy të kërkuarve që prisnin Tojotat me miliona euro. Vëllai i tij është në zyrën e Lulzim Bashës”, u shpreh Balla.
Më tej kreu i grupit parlamentar të PS-së tha se ka dyshime që Balla iu ka ccuar sinjale trafikantëve në mënyrë që ata të mos kapeshin nga ana e policisë.
‘’A i shërbeu Lulzim Basha këtyre djemve, sigurisht që kjo provë do i dorëzohet drejtësisë. Ore ku është budallai që njofton nga kuvendi vëllain e mikut që të mos kalojë nga Ankona po nga Bari. Dyshoj se ke ti lidhje me Toyota Yaris Lulzim”, u shpreh Balla.
Balla tha më tej se këtë foto do ta çojë pranë Prokurorisë dhe se e vetmja rrugë që ai do të ndjekë është ajo ligjore.
