Klement Balili vazhdon të jetë një nga emrat më të diskutuar në ditët e fundit, në skenën e krimit në Shqipëri, po edhe më shumë në shtetin grek. Pas kërkesës zyrtare nga ana e autoriteteve shqiptare për ndihmë nga Policia greke se për cilat vepra akuzohej Balili dhe mbërritjes së dosjes voluminoze për çështjen në vendin tonë, gjatë ditëve dalin detaje të reja.
Për Klement Balilin është lëshuar një urdhër arresti dhe nga ana Prokurorisë shqiptare po duke qenë se ai nuk dihet se ku është, policia është vënë në kërkim të tij. Policia greke ka bërë me dije se në bashkëpunim me të tjera autoritete europiane si policia belge, gjermane dhe bullgare, ka evidentuar gjashtë raste që sipas saj trafikimi i drogës i atribuhoet grupit të Balilit.
Këto episode kanë ndodhur të gjitha gjatë viteve të fundit, 2015 dhe 2016, dhe janë përshkruar në detaje nga policitë e vendeve ku ka ndodhur edhe kapja e lëndës narkotike. Dosja e Policisë greke në ngarkim të Klement Balilit dhe anëtarëve të dyshuar të grupit të tij kriminal përmban të detajuara episodet e kapjes së gjashtë ngarkesave me lëndë narkotike.
-Në këtë dosje, sipas burimeve përshkruhet se në datën 19 prill 2015 është bërë konfliskimi i 23 kilogramëve kokainë në Angli, në rimorkion “Focus International LTD” dhe një trailer “Friends Trans LTD”.
-Më pas, në datën 29 prill 2015, sipas dosjes së Policisë greke, është bërë kapja e 531 kilogramëve kanabis në Bullgari, ku edhe në këtë rast trafikimi i lëndës narkotike po bëhej me rimorkio dhe trailer. —Ngarkesa e radhës është kapur në datën 21 mars 2016 në Belgjikë, ku është bërë sekuestrimi i 25 kilogramëve hashash në automjetin tip “Tuareg”.
-Rreth një muaj më vonë, në datën 8 prill 2016, grupi kriminal ka bërë trafikimin e ngarkesës me 100 kilogramë hashash në Gjermani, e cila është kapur në një rimorkio dhe në një trailer.
-Një ngarkesë e madhe është kapur më 8 prill 2016 në Greqi ku është bërë konfiskimi i 675 kilogramëve kanabis dhe janë vënë në pranga tre persona me emrat grekë.
-Ngarkesa e gjashtë është kapur në datën 9 maj 2016 në Belgjikë, ku është bërë konfiskimi i 100 kilogramëve hashash në një depo ku ranë në pranga edhe shtetasit Dhimitër Poti dhe Xhevahir Poti.
Discussion about this post