Akuza kandidatëve të PS-së për Bashki/ Basha: Janë me procedime penale, ka prova publike. Hapni arkivat

Kryedemokrati Lulzim Basha ka dalë pasditen e sotme në një konferencë për shtyp ku gjatë fjalës së tij ka bërë akuza të forta për kandidatët e Partisë Socilaiste, për 61 Bashkitë e vendit.

Ai është shprehur se Edi Rama figuron në dosjen 184, zonja Gjylamet në dosjen 184 dhe Elisa Spiropali në dosjen e hetimit të ‘Xibrakës’.

“Blid ka zbuluar sot një nga dosjet e rënda lidhur kjo me zgjedhjet dhe vjedhjen e votës.

Zonja Gjylamet është pjesë e dosjes 184 gjithashtu dhe Spiropali pjesë e dosjes e cila është në hetim, dosja e ‘Xibrakës’. Nuk ka njeri në europë që nuk e ka marrë vesh që Edi Ramam ka blerë zgjedhjet e viti 2017, kjo është e publikuar në dosjen 184.

Në këto kushte Rama në vend që t’i hap rrugë kërkesës popullore ai po mundohet të përplaset me të.”

Ndërkohë që  akuzat nuk kanë munguar dhe për kandidatët për Bashki. Basha ka përmendur kështu disa herë emrin e Ymer Lalës apo dhe Abedino Ruçi.

“Në mbi gjysmën e Bashkive të vendit ka kandidatë me procedime penale, shokët e Roshit dhe të tjerë.

I pari ëhtë Ymer Lala pjesë e dosjes së hetuar bashkë me ish-sekretarin e PD-së në Dibër. Është e qartë që zgjedhje nuk do të ketë, regjistri i adresave është i masakruar.

Edhe nga pikëpamja formale nuk mund të bëhen sepse kartat e identitetit janë jashtë përdorimit. Këtu e ka sjellë Shqipërinë bashkëpunimi i Edi Ramës me krimin.

Pyetja është e çfarë do të bëhet vetëm 45 ditë nga zgjedhjet e 30 qershorit. Që nga ky moment ne jemi bashkë me qytetarët, në një përballje pa kthim me ushtarët dhe shërbëtorët deri sa të diktojmë kthimin tek demokracia dhe zgjedhjet e lira dhe të ndershme.

Vlera e një qeverie që i bindet kushtetutës dhe ligjit, nuk ka shanc që shqiptarëve tu imponohen hunjtë e gardhit, vrasësit dhe përdhunuesit.

Për shumicën e kandidatëve provat janë bërë publike, por disa media i shërbejnë amnezisë. Marrin paratë që iu vjedhin shqiptarëve. Le ti marrin me radhë këta kandidatë dhe ti shikojnë se kush janë.

Vrasës me pagesë Ymer Lala, Abedino Ruci dhe biznesmenë njëkohësisht.

Sa të mundeni hapni arkivin dhe do të shikoni se kush janë këta kandidatë.”- është shprehur Basha.