Akuza që ‘’u la në hije’’: ‘’Rama firmos vendime pa qenë në Shqipëri’’. Del në skenë dhe Sekretari i Përgjithshëm

Një nga akuzat e bëra nga Manjani ditën e djeshme që u duk se u la në hije ishte dhe ajo me mënyrën sesi funksionon Këshilli i Ministrave. Përveç faktit se Ministrat duhet të marrin leje te Endri Fuga për të marrë leje del në skenë dhe një tjetër emër ai i Engjëll Agaçit, sekretar i përgjithshëm i Këshillit të Ministrave.

Manjani u shpreh se për disa parregullsi që ka konstatuar në funksionimin e Këshillit të Ministrave ka raportuar, po vërejtjet e tij janë kundërshtuar nga Agaçi.

‘’Nga Sekretari i Përgjithshëm i Këshillit të Ministrave, që nuk ka lidhje fare! Që është një nëpunës civil atje, që del edhe mbi ministrat, del edhe mbi KM dhe krijon këto situate të paqena. Sigurisht këto janë të papranueshme. Kanë qenë të papranueshme si ministër dhe do të jenë gjithmonë të papranueshme”, tha Manjani.

Ai ka vazhduar më tej duke thënë se kryeministri Rama ka firmosur vendime të Këshillit të ministrave ndërkohë që nuk ka qenë fare në vend. Sipas Manjanit këtë e vërteton edhe sistemi TIMS.

‘’Unë nuk hyj në çështje politike që po e vërteta e kësaj historie është që kjo qeveri është e kapur dhe është jashtë çdo standardi. E dini ju që qeveria ka marrë një vendim pa u mbledhur, për dekriminalizimin verifikojini me TIMS, kryeministri firmos vendime qeverie që nuk kanë ndodhur. Si një ministër drejtësie do binte dakord me këtë histori?! Dhe këto gjëra nuk duhen thënë. Cfarë kam thënë unë?’’, ka vijuar Manjani.

Ministri i shkarkuar ka thënë se të gjitha këto gjendet të rregjistruara në memorien e Këshillit të Ministrave dhe mund të fshihen vetëm nëse dikush do që ato të mos zbulohen.

‘’Ministrat nuk janë të lejuar të flasin. Kjo ka qenë e papranueshme për mua, sigurisht si funskion Këshilli i Ministrave dihet. Me kryeministri Edi Rama kemi debatuar për çështje parimore, ç’kam pasur unë them, nuk kam mbetur pishman. Të gjitha këto që po them mund t’i gjeni të regjistruara te memoria e Këshillit të Ministrave. Nëse i kanë fshirë është histori tjetër’’, ka përfunduar ai në lidhje me këtë çështje. (E.K/SHUPLAKA)