Deputeti i PD, Gazment Bardhi ka reaguar lidhur me akuzt e bëra nga ish kryeministri Sali Berisha sa i takon veprimtarisë së komisionit hetimor të 25 Prillit.
Sipas Berishës, në këtë komision nuk u hetua vrasja e Pjerin Xhuvanit. NdërsaBardhi tha se kjo vrasje nuk kishte qenë objekt i punës së komisionit. Më tej, Bardhi bëri thirrje qëe Berisha të caktonte kryetarin dhe anëtarët e një komisioni hetimor për këtë çështje dhe u zotua se ai personalisht do ta votonte dhe do t’u bënte thirrje edhe deputetëve të tjerë, ta votonin.
Reagimi i deputetit të PD, Gazment Bardhi:
Sali Berisha ka vijuar edhe sot gënjeshtrat mbi komisionin hetimor për masakrën zgjedhore të 25 Prillit. Ngjarja e Elbasanit nuk ka qenë fare në objektin e punës së Komisionit. Më poshtë është vendimi për ngritjen e komisionit hetimor, ku qartësisht demontohet gënjeshtra e Sali Berishës.
Vendosja e shenjës së barazisë midis sakrificës dhe betejës së demokratëve të Elbasanit në zgjedhjet e 25 Prillit dhe veprimtarisë së bandave kriminale me në krye Taulant Ballën, është akti më i shëmtuar i një njeriu që ka humbur rrugën e arsyes dhe është verbuar nga urrejtja për këdo që nuk është në PD për tu bërë mburojë për hallet e Sali Berishës.
Mgjthatë duke dashur ti jap një shans Sali Berishës që të tregojë se interesi i tij është zbardhja e ngjarjes së Elbasanit dhe jo marrja në mbrojtje e bandave të Elbasanit, një pjesë e të cilave janë sot pjesë e operacionit të SPAK, e nxis të përgatisë një kërkesë për ngritjen e një komisioni hetimor vetëm për atë çështje, të caktojë kryetarin dhe anëtarët e opozitës tek të cilët ai ka besim. Unë do jem një nga firmëtarët për ngritjen e këtij komisioni hetimor dhe do i kërkoj secilit koleg të opozitës të firmosë dhe mbështesë këtë Komision Hetimor. Ripërsëris kërkesën që ta bëje gati dhe të ma sjellë për firmë që sot (dorazi të lutem, jo me fax sepse lë gjurmë që të lenë pa gjumë pastaj)!
Discussion about this post