Ministrja e Inovacionit dhe Administratës publike Milena Harito, ka reaguar për akuzat që janë bërë gjatë kësaj fushate zgjedhore për administratën publike.
Harito i del në mbrojtje kryeministrit Edi Rama, duke thënë se ai është i pari kryeministër që e prek këtë cështje pas 27 vjetësh demokraci. Kujtojmë se ministrja Harito nuk reagon zakonisht nëpër rrjetet sociale, mirëpo për të ky rast përbën përjashtim, duke qenë se ajo është drejtuesja e dikasterit për Administratën Publike.
“Më vjen keq që vazhdon përpjekja per t’u fshehur si struci, duke futur kokën në rërë, përballë një plage që Edi Rama është i pari që e prek pas 27 vjetesh!
Po, me shumë përpjekje filluam ta kurojmë këtë plagë duke bërë ndryshim në shërbimin civil të administratës qendrore, siç e thonë 2 progres raporte rrjesht. Por videoqarkulluesit bëjnë sikur nuk e dijnë që shërbimi civil është vetëm një e dhjeta e punonjësve publikë !
Të tjerët, drejtori hipotekash e patentash, spitale e borde kullimi, etj etj vijojnë e ndahen si plaçkë lufte çdo 2 vjet në zgjedhjet e rradhës.
Kjo ndërkohë që vetë Edi Rama e thotë qartë: duam të shtrijmë kudo mekanizma garancish për meritën, ashtu siç e bëmë për shërbimin civil qendror. Punësim me meritë në të gjithë administratën, për këdo që paguhet nga buxheti i shtetit, përfshi institucionet e pavarura nga Kuvendi deri tek bashkitë, ku të punësuarit janë ngado fis e farë të partive edhe më tepër se militantë të ndershëm.
Videoqarkulluesit në fjalë bëjnë sikur nuk dëgjojnë e kapen pas gënjeshtrave të imagjinuara si i mbyturi pas flokëve të vet.
Vetëm Edi Rama kryeministër ka kurajon e këmbënguljen të punojë për një administratë profesionale me standarte europiane pa të cilën nuk ka si si të kemi shtet të shqipëtarëve.”, shkruan Harito. (D.D/Shuplaka)
