Prej disa ditësh deputeti socialist Erion Braçe është përfshirë në replika në distancë me ministrin e LSI-së për bujqësinë Edmond Panariti. Ai e ka akuzar Panaritin për mbështetje të pakët për bujqësinë.
Ndërkohë që Panariti i është përgjigjur ditën e sotme nga Korça Erion Braçes. Sipas tij ka qenë ministria e Financave e drejtuar nga Partia Socialiste ajo që ka vonuar miratimin e fondeve.
‘’Dëshiroj t’i them Z.Braçe, që jo vetëm nuk kemi qenë të vonuar, por kemi qenë në kohë dhe mjafton t’i kujtoj, se të gjithë aplikuesit e Divjakës dhe Lushnjes janë klasifikuar si fitues. Por, ministria e financave, e drejtuar nga partia e deputetit Braçe, ka vendosur kushte diskriminuese siç është detyrimi për të paguar një vit sigurimet shoqerore dhe duke e ditur fare mirë që ata fermerë nuk i kanë ato para.
Gjithashtu, po këtyre aplikanteve, ministria e financave u ka kërkuar faturat e oshee, gjë që nuk ka lidhje, si dhe pengesa të tjera, siç është pajisja me nipt. Pra, Ministria e Bujqësisë jep para, ministria e financave i bllokon, pasi me kontributet e fermerëve këkon të mbushe arken.
Kjo nuk është mënyra e duhur se si mund të ndihmohen fermerët dhe Z.Braçe këtë e di shumë mirë. Ministria e Bujqesise ka shpërndarë para për fermerët dhe bizneset që lidhet me fermerin. Dëshiroj t’i kujtoj Z.Brace se buxheti i këtij viti ka qenë më i ulëti në këto viti. Ndërkohë vjet, z.Braçe i kujtohet mirë, se ka qenë kryetar i Komisionit Parlamentar të Ekonomisë, futën duart në buxhetin mjeran të ministrisë së bujqësisë, duke tërhequr 4 milionë euro, për të kryer pagesa të tjera.
Kjo është situata që na ka vënë në vështirësi të mëdha, gjë që e di edhe Braçe. Megjithatë, falë koncentrimit, përqendrimit, përdorimit të fondeve me nikoqirllëk, arritem të investojmë në pika të rëndesishme të bujqësisë dhe shifrat janë aty. Bujqësia është rritur, është zhvilluar, janë dyfishuar eksportet, shumëfishuar sipërfaqet e serave, shtuar prodhimin dhe kjo nuk mund të mohohet’’, deklaron Panariti. (E.K/SHUPLAKA)
Discussion about this post