Kreu i Bashkisë së Tepelenës, Tërmet Peçi flet mbi akuzat e bëra ndaj tij lidhur me fshehjen e një dënimi, të cilat ai i konsideron si një sulm politik ndaj tij.
“Sulm politik ndaj meje. Kundravajtja nuk përbën shkelje ligjore. Jam në detyrë në mandatin tim të dytë pas rivotimit me 70% të votave. Revolucion total në gjithë institucionet vendore dhe investimet e kryera në qytet. Shuma totale e investimeve në bashkitë Tepelena 7 miliardë lekë”, thotë Peçi për gazetarët e BË.
Peçi ka reaguar edhe më parë pas deklaratës së kryeprokurorit Adriatik Llalla, i cili kërkoi shkarkimin e tij.
Në deklaratën e parë, Peçi u shpreh se fshehja e dënimit kishte të bënte me një gjobë, të cilën nuk e ka deklaruar në KQZ, por që e ka sqaruar në një deklarim të mëvonshëm.
“Prokuroria e Përgjithshme kërkon mandatin tim sipas mediave për një dënim të padeklaruar. E vërteta është se fillimisht nuk e deklarova një gjobë për makinën në doganë. Këtë e korrigjova dhe e depozitova në KQZ qysh në qershor 2016 përmes një deklarate sqaruese. Ky është krimi që kam bërë dhe kjo nuk është një vepër penale siç e parashikon ligji përkatës!”, deklaroi Peçi. (D.D/Shuplaka)
Discussion about this post