Zëvendëskryeministrja Ledina Mandija ka reaguar lidhur me akuzat që rëndojnë mbi Elez Gjozën dhe deklaratën më të fundit të tij për shtyp, ku u shfaq krahas kreu të grupit parlamentar të LSI-së, Luan Rama.
Mandija kërkon që Prokuroria të nisë menjëherë një hetim të shpejtë pas kallëzimit penal të Policisë së Shtetit dhe të marrë masat për të ndjekur procedurat e nevojshme sipas ligjit për të arritur në një konkluzion përfundimtar.
Deklarata e plotë
I kërkoj Prokurorisë së Përgjithshme të zhvillojë një hetim të shpejtë ndaj kallëzimit të Policisë së Shtetit për administratorin e Njësisë Bashkiake nr.2
9 qershor 2017
Sektori për Hetimin e Korrupsionit në Policinë e Shtetit në bazë të një denoncimi ka filluar procedimin penal ndaj administratorit të Njësisë Bashkiake nr.2,Elez Gjoza, i cili nga ka konsumuar veprën penale të “Detyrimi për pjesëmarrje në veprimtari politike”, “Korrupsioni pasiv në zgjedhje” dhe “Falsifikimi i dokumenteve”, parashikuar nga nenet 328/a, 328/b dhe 186/3 të Kodit Penal me regjistrimin 70 persona ne mënyre fiktive sikur ishin pjese e banesës se tij me qëllimin ndikimin në zgjedhjet e përgjithshme të 25 qershorit të këtij viti.
I kërkoj Prokurorisë së Përgjithshme të zhvillojë një hetim të plotë, të drejtë dhe të shpejtë të rastit si dhe do të marrë të gjitha masat për të ndjekur procedurat sipas ligjit dhe për të arritur në një konkluzion përfundimtar në lidhje me procedurat e filluara nga ana e Sektorit të Hetimit dhe Korrupsionit.
(XH.A/SHUPLAKA)
