Parlamenti i Koresë së Jugut ka votuar pro hetimit të presidentes Park Geun-hye, mbi të cilën rëndojnë skandale korrupsioni. Mësohet se Asambleja Kombëtare miratoi me 234 vota pro dhe 56 kundër nisjen e procesit gjyqësor.
Autoriteti i presidentes Park i kalon tashmë kryeministrit Hwang Kyo-Ahn. Ajo u përfshi në një skandal korrupsioni që shtyu mijëra koreanë të dalin në rrugë përgjatë javëve të fundit për të kërkuar largimin e saj nga pushteti.
Në qendër të akuzave qëndron marrëdhënia e mes presidentes dhe mikeshës së saj, Choi Soon-sil, e dyshuara kryesore që akuzohet për shfrytëzimin e njohjeve të saj me qëllim përfitime financiare.
Prokurorët shprehen se presidentja Park Geun-hye ka pasur një rol të konsiderueshëm në këtë aferë korrupsioni, të cilin fillmisht e ka mohuar e më pas ka kërkuar falje. Votimi i parlamentit pezullon Park nga detyra e saj, por vendimi për të ende nuk është marrë.
Discussion about this post