Akuzat për lidhjet me Edmond Begon, Balla i përgjigjet PD-së dhe tregon dëshirën se me kë do të përballet

Kreu i Grupit Parlamentar të PS-së Taulant Balla ka reaguar pas akuzave të PD-së ndaj tij pas arrestimit të trafikantit të dënuar Edmond Bego ku Balla akuzohej për lidhje me “anëtarin e bandës së Aldo Bares”.

Përmes një postimi në ‘Facebook’ Balla thotë se ai do që të përballet me kreun e PD-së Lulzim Basha.

“Ngrini akuza, lërini pyetjet! Duhen për në Gjykatë përsëri. Le të na gjykojë në fund publiku”, shkruan Balla.

Postimi i plotë:

Partia Babalokratike filloi sot teatrin komik “Babale 3”. Madje dy zëvëndësat e Lulzim Bashës bënë dhe prezantimin e skenarit. Meqenëse më drejtuan mua pyetje dy zëvendësat e Lulzimit, unë kam dëshirë që betejën ta bëj përsëri me Kryebabale Lulzim Basha. Ngrini akuza, lërini pyetjet! Duhen për në Gjykatë përsëri. Le të na gjykojë në fund publiku. Siç do na gjykojë në Shtator për “Babale 1”, e më pas edhe për “Babale 2” etj.

(B.H/Faxweb)